Mr.Ahmed النجم الساطع ( المدير العام )
عدد الرسائل : 702 العمر : 38 وطني : مزاجى النهارده : My SMS :
تاريخ التسجيل : 20/10/2007
| موضوع: بيقولوا آل يعنى مشاكل المصريين كلها اتحلت الا دى؟؟؟؟؟؟؟!!!! الأحد أكتوبر 21, 2007 6:30 pm | |
| أنا بقى عندى الموضوع ده موجود فى دماغى بقاله فترة طويلة قوى بس كنت بضحك على نفسى وأقول انه مش على الدرجة من الأهمية اللى تستدعى من الواحد انه يضيع فيه وقته ويكتبه , لكن بصراحة بقى مش قادر أنى أقاوم اغراء كتابته علشان أوضح وجهة نظر كنت بكدب على نفسى وأقول ان من الممكن أنها تتطلع خطأ أو ممكن أنى أغير فكرى عن شطرها وأقتنع بالفكرة التانية , وعلشان كدة ومع انى فى أجازة وكمان فى ظروف خاصة والمفروض أنى كمان بالضبط 6 ساعات هكون فى طريقى للسفر , يعنى المفروض انى اكون نايم دلوقتى بقالى أكتر من ساعة أو أتنين , الا انى ودلوقتى حالآ أتوصلت لنتيجة هامة جدآ أو على الأقل قرار هام بالنسبة لى وعلشان كدة فمن الواجب عليا أنى أنشر الموضوع ده علشان أوضع حد لفكرتى دى ولكلام كتير بشوفه وبسمعه فى كل مكان بصراحة أنا مش راضى عنه وبعد ما تشوفوا كلامى وتقروه هكون أينعم مش موجود معاكم لكن شوفوا انتوا بقى كلامى وأحكموا عليه واللى شايف انه صح يقول واللى شايف أنه غلط ومش عاجبه برضه يقول, لكن اللى يشارك أرجو منه المشاركة بجد ويكون قرأ الموضوع وفهمه مش يكتب لى مشكور ويخرج, اللى عاوز يكتب شكر من غير ما يشارك برأيه بكل صراحة فأنا أفضل انه ميشاركش أساسآ فى الموضوع أو انه ميسبش رد ولو عايز يقرا وخلاص يتفضل يقرا لكن الموضوع ده بجد أنا عايز اللى يحاورنى ويناقشنى فيه علشان مش عندى استعداد انى أضيع مجهودى ده فى الكتابة وأضحى بساعة ولا اتنين نوم علشان أجهد نفسى فى موضوع خطير وفى الآخر يتقالى مشكور او شكرآ, أنا مبحبش الشكر على حاجة على فكرة.
ندخل بقى فى الموضوع : أنا ياجماعة بلاحظ ولاحظت فى كل مكان أروحه , سواء شغل أو كلية أو حتى نادى أو كازينو أو كافتريا وكمان القهوة ان مفيش حد بيتكلم على أى حاجة غير الحب, وكمان فى المنتديات , كله نازل حب حب , حتى فى عز ما الطوارئ شغالة والناس بتصارع الاصابات فى سينا والضباط بيضحوا بحياتهم علشانا وعلشان خاطر احنا نعيش فى أمان , لقيت كل الموضوعات فى كل المنتديات وكل الشوارع والتليفونات نازلة حب فى حب , وكله عمال يشتكى من انه حب ولا طالش, واللى تكتب فى الجرنال انها مش عارف حبت طرزان وطلع فى الآخر مش طرزان ولا حاجة زى ما كانت فاكراه , وأنه طلع أبو الدقيق واتصدمت فيه. واللى يكتب انه حب واحدة كان فاكرها ناعومى كامل وفجأة اكتشف انها مش ناعومى ولا يحزنون وأكتشف بعد قرن من الزمان انها طلعت من مخلفات الحرب العالمية أو انها طلعت حية الجرس ( آل يعنى هو قعد يحب على روحه قرن ) بالكتير قوى ممكن يكون حب قرن غزال أو قرن جدى حتى لأن الغزال حرام اننا نظلمه هنا مع موضوعنا ده , لأن الغزال مشهور برقته مش عبطه.
المشكلة بقى واللى قرفانى , انى كل شوية ألاقى الحاجات دى فى كل حتة فى النت وفى الجرايد وفى الشوارع وفى التليفزيون والكاسيت والفضائيات , لدرجة انى دلوقتى بقيت أخاف أشترى علبة سجاير ألاقى طالع لى منها ورقة مكتوب عليها كلام عن الحب والذى منه .
يعنى هل مثلآ كل مشاكل الشعب المصرى خلصت ومفيش غير هى دى المشكلة الوحيدة اللى بقت تواجه كل بيت وكل شارع؟!!!!!!!!!
من كتر ما شفت الموضوع ده وسمعته فى كل حتة حتى فى نومى كمان بيتهيألى ان فى ناس هتصحينى من النوم يقولوا لى تعالى اصحى فى موضوع عن الحب والمشاكل العاطفية فى التليفزيون قوم اتفرج عليه, من كتر ماشفت وسمعت كدة اتهيألى والله أعلم : ان كل الشباب خلاص اتوظف وانفلوانزا الطيور خلاص مشيت من مصر,وكل ولد بقى عنده فيلا مش بس شقة , وان طن الحديد رجع ب800 جنيه زى زمان,وان مصر بقت من الدول الصناعية السبع ودخلت عضويةحق الفيتو وبقت دولة عظمى, وآلاف الجرايم والخارجين عن القانون خلاص ربنا هداهم والجرايم الحمد لله معدتش موجودة عندنا, وحوادث الطرق انتهت والحمد لله وبقت حاجة غريبة قوى قوى فوق ما نتصور لو سمعنا ان فى عربية عملت حادثة على الطريق الفلانى, لدرجة انى مصدقتش لما سمعت من يومين ان واحد صاحبى عمل حادثة بعربيته على طريق مصر اسكندرية الزراعى ودخلت فيه 4 عربيات آخرهم كانت عربية نقل, وقلت لألأ مش معقول انتوا بتهزروا ولا ايه؟ دحنا فى مصر خلاص يا جماعة معدش عندنا أى مشكلة ولاحتى مشكلة حوادث عربيات, والحمد لله مش فاضل عندنا غير الحب ومشاكله , وربنا يسهل ان شاء الله وشبابنا الهمام وشاباتنا برضه يقدروا يجمعوا على حل للموضوع ده ويوجدوا له حل جذرى ويبقى بكدة حققنا المعادلة الصعبة ومعدش عندنا مشاكل, ونبدأ بقى نفكر فى اختراع المشاكل , زى ما اخواتنا فى السويد والنرويج ( اسكندنافيا يعنى اللى هم بيسموهم الدول الاسكندنافية ) عملوا , لما خلصت مشاكلهم وبقوا أعلى دخل سنوى للفرد فى العالم اتجهوا الى انهم ينتحروا بسبب الملل والفراغ اللى هم عايشين فيه, فالحمد لله كله بقى تمام التمام عندنا , ومعدش فى حد مش لاقى شغل,ومعدش فى حد مش لاقى شقة, ومعدش فى ناس بتطلع تعيط فى التليفزيون علشان مش لاقيين حد يساعدهم أو حتى يضيع وقته فى انه يتفرج عليهم ويسمع مشكلتهم ايه, معدش فى واحدة بتبكى بدل الدموع دم على ابنها أو بنتها اللى مات فى حادثة أو دمره الادمان, معدش فى واحد عنده بال10 أطفال مش عارف يعيشهم ازاى مش بس يربيهم , معدش فى طفل قاعد فى الشارع فى عز البرد والتلج مش معاه حتى تمن رغيف عيش يشتريه يمكن يدفى لما ياكله,معدش فى واحدة قاعدة قدام باب مستشفى تعيط علشان مش لاقية مصاريف علاج طفلها الصغير اللى بيومت فى حضنها وادارة المستشفى رافضة علاجه أو حتى تقديم مساعدة أولية له الا بعد دفع مبلغ يمكن يكون خيالى لأنها مستشفى استثمارىومفيش غيرها فى المنطقة,معدش فى أب رفضت المستشفى انها تدخل ابنه اللى لسة مولود عنده من لحظة الحضانة بحجةان الحضانات كلها مشغولة ولو عايز حضانة يتفضل ينقله حضانة فى مستشفى استثمارى علشان هم مستشفى مجانى ومعندهمش حضانات فارغةو وابنه يموت بعد ساعتين قدام عنيه وهو بيبكى بدل الدموع دم عليه ويكتشف فى الآخر بعد اسبوع انهم ضحكوا عليه لان المستشفى كانت فيها حضانات فاضية وانه مش عارف هم ليه رفضوا كدة. معدش فى حاجة تقلق والحمد لله وكل العملية بقت تمام التمام وكل حاجة موجودة , وكل أنواع الجبن المحلية والمستوردة أتوجدت فى السوق وانواع اللبن والعصاير والشيكولاتة اتوجدت بكميات كبيرة والبسكويت وبقى فى منها مخزون يكفى قرن من الزمان والحمد لله, يبقى هنفكر فى ايه تانى صحيح, دحنا كدة نبقى قللات الأدب فعلآ لو قلنا ان فى مشاكل غير الحب والعواطف والسهد والجراح والألم. وعلى رأى ايمان البحر درويش: قول يا ألم قول.
فعلآ احنا مش المفروض نتكلم غير عن الحب والآهات واللوعة والشياط وتفحم المشاعر نتيجة احتراقها بعد اصتدامها بقطار البعد والفراق , وانها يا حرام قالت له خلاص طريق مشيناه وخلصناه ياريت نرجع وسابت له دموع العين وقلب حزين بيتوجع. والا هى كمان بقى : قال لها : عزة نفسى مابتسمح لى انسى جرحى واركض ليك. ياسلااااااااااااااااااااااام, ايه ده كله , ده حب ولا فيلم تايتانك أو لوليتا. ونيجى نقول مشاكل, هو احنا فى مشاكل اكتر من المصيبة السودة دى ؟ طبعآ ماهو مشكلة الحب بقت مشكلة سودة , مش هى اللى بتأكل الواحد وتخليه يفتح بيت ويربى عياله , طبعآ . الواحد هيفطر حب ويتعشى حب ويصرف على ولاده حب, وكمان هيشتغل بياع حب. أكيد يفضل يبيع كلام حب طول النهار والليل وفى الآخر هيلاقى رصيده فى البنك عمران حب, ولما يطلب كشف حساب أو يسحب من الكارت هيطلع له انه حسابه مليون حب أو خمسميت ألف حب, ياسلاااااااااام ثراء فاحش فعلآ,ده لو هيفضل ياكل حب طول عمره مش هيخلص ومش هيحتاج حاجة تانية فى الدنيا ولا هيحتاج وظيفة ولا يحزنون وحتى السكن هيسكن حب, طبعآ مش بنقول: اننى اسكن فى الحب.
كل ده ومعدش عند المصريين هموم ولامشاكل يحلوها الامشكلة الحب, خلصوا كل مشاكلهم والعيشة بقت فل الفل ومفاضلش غير الحب. طب والنبى ده يبقى اسمه كلام؟ أنا قرفت من كل ما أمشى فى الشارع ألاقى اعلان أقوى أفلام الحب واللى هتقطع قلك زى الطماطمايةويتعصر لك عليه لمونايه وهنديك فراولاية, وفى الجرنال ألاقى طرزان وناعومى كامبل بيتكلموا فى باب قلب يسأل أو باب يوم الخميس كان بكرة يبقى انهاردة ايه عند قلبك ياترى ميمشيش معاك الاتنين زى فيلم عيال حبيبة؟
أنا خلاص خلصت الكلام اللى قدرت أكتبه مع انى عندى كلام لو فضلت أكتبه هخلص 300 أو 400 صفحة كتابة فيه . وأنا عارف ان كتير منكم مش هيعجبكم الكلام ده لكن هى دى بقى الحقيقة وهو ده الواقع اللى محدش عايز يقرب منه وكله مش عاوز يتكلم فيه علشان خايف الناس ميعجبهاش الموضوع وميردوش عليه , وأنا الفترة دى كلها مكنتش راضى أكتبه علشان مكنتش بحب أوجع دماغى وأناقش حاجة الناس هيفضلوا برضه مع ذلك فاكرينها صح وهى أساس الغلط . وياريت زى ما قلت فى الأول : اللى شايف نفسه مش عايز يناقش سواء بالمعارضة أو الموافقة ميشاركش هنا فى الموضوع ده, لأنى مبحبش الشكر ومحبش ان حد يكتب لى مشكور, لو عايز تهاجم نظريتى دى وتجادل فيها اتفضل اكتب كل اللى نفسك تقوله وعبر عن وجهة نظرك بمنتهى ومطلق الحرية ولكن فى حدود الأصول وعدم التعدى والاخلال بآداب المشاركة, وتأكد أخى أو أختى انك هتعبر عن رأيك بكل صراحة وكلنا هنحترم رأيك ده وهنرد عليك بمنتهى الاحترام والجدال الهادف , وممكن انت تقنعنى بشيئ غفلت عنه أو أنا أقنعك بشيئ , لأن ده اللى اتوجدت المناقشة من أجله فى الاساس, لأن المشورة والمشاورة ماهى الا مناقشة من أجل الاقناع أو الاقتناع والهدف الأسمى والنهائى هو الوصول للحقيقة وخير الصواب. :study: :study: | |
|
جودي احمد مشرفة منتدى الاسرة واقسام المرأة بالمنتدى
عدد الرسائل : 362 العمر : 38 My SMS : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78"> امسح هذا وضع ما تريد</marquee></fieldset></form><!--- MySMS By AlBa7ar Semauae.com --> الاوسمه : تاريخ التسجيل : 01/11/2007
| موضوع: رد: بيقولوا آل يعنى مشاكل المصريين كلها اتحلت الا دى؟؟؟؟؟؟؟!!!! السبت نوفمبر 03, 2007 6:24 am | |
| هههههههههههههههه فعلا مشكلة الحب بقت مشكلة البيت المصري شكرا ليك احمد | |
|
Mr.Ahmed النجم الساطع ( المدير العام )
عدد الرسائل : 702 العمر : 38 وطني : مزاجى النهارده : My SMS :
تاريخ التسجيل : 20/10/2007
| موضوع: رد: بيقولوا آل يعنى مشاكل المصريين كلها اتحلت الا دى؟؟؟؟؟؟؟!!!! السبت نوفمبر 03, 2007 1:09 pm | |
| شكرا لمشاركتك والتعبير عن رايك | |
|
العمده الحبيب نائب النجم الساطع
عدد الرسائل : 291 العمر : 38 وطني : مزاجى النهارده : My SMS :
الاوسمه : تاريخ التسجيل : 02/11/2007
| موضوع: رد: بيقولوا آل يعنى مشاكل المصريين كلها اتحلت الا دى؟؟؟؟؟؟؟!!!! الإثنين نوفمبر 05, 2007 9:42 pm | |
| | |
|